The Speckled People le Hugo Hamilton

Is dócha gur faoi chloch a bhí mé i mo chónaí mar níor léigh mé The Speckled People le Hugo Hamilton go dtí an deireadh seachtaine seo caite. Ach nuair a d’oscail mé an clúdach tosaigh, níor  leag mé uaim an leabhar nó go raibh an leathanach deiridh léite agam, fiú is go raibh carnán aistí mac léinn, ag síneadh ón urlár go dtí an tsíleáil, ag feitheamh liom san oifig. Cuimhní cinn an údair ar a óige i mBaile Átha Cliath atá sa leabhar; Gaeilgeoir a bhí ina athair, agus Gearmánach a bhí ina mháthair. Chuir mise spéis ann i dtosach toisc gur tógadh Hamilton le trí theanga: an Ghaeilge agus an Ghearmáinis sa mbaile, agus Béarla na hÉireann sa margadh. Bhí mé ag iarraidh cúrsaí dátheangachais a fhiosrú, ach ní thairgeann an leabhar mórán comhairle, seachas nár cheart gasúir a ghreadadh má labhrann siad Béarla (ach ní raibh an cathú sin orm!). Ach ní cúrsaí teangan croí-lár an leabhair, ach cúrsaí cumha.

Scéal truamhéalach atá sa leabhar–buachaill nach bhfuil ar a chompord in áit ar bith i dteanga ar bith. Ach is é scéal a mháthar is mó a chuaigh i bhfeidhm orm. Sa leabhar, tá léargas dúshlánach ar stair chasta phobal na Gearmáine i rith an chogaidh, agus d’oscail an leabhar na súile domsa i dtaobh an fhrith-Ghearmánachais a bhí coitianta in Éirinn tar éis an chogaidh, más iontaofa atá an leabhar.

Cé gur laigede an leabhar easpa plota láidir, d’éirigh leis an scríbhneoireacht fhileata liriceach cumha mór a chur orm féin. Tuigim don athair, don mháthair, don bhuachaill. Is furasta pian an tsaoil a d’fhulaing na carachtair a aireachtáil i measc na leathanach. Cé go bhfuil an siombalachas ró-thréan scaití (ar nós Toni Morrison nó scoil an draíochta réadúla), ní dhéanann sin neamhní de bhrón dóchasach thuismitheoirí an leabhair.

Rinneas cuardach sciobtha agus feicim cúpla halt ar an údar sna meáin Bhéarla. Ar foilsíodh agallamh leis sna meáin Ghaeilge? Ba cheart.

Hugo Hamilton, The Speckled People–bronntanas Nollag don smaointeoir ar do liosta Nollag, má tá tú ag iarraidh lionn dubh a chur air nó uirthi.

 

Advertisements

4 fhreagra ar “The Speckled People le Hugo Hamilton

  1. Rinneadh clár leis (agus le baill eile ón dteaghlach) a craoladh ar TG4
    http://loopline.com/hugo-hamilton-%E2%80%93-croi-agus-teanga-on-tg4
    Maidir leis an íde a tugadh dó mar Ghearmánach, d’fhulaing mo mhic a leithéid cúpla uair. Bíonn an té atá éagsúil i mbaol tromaíochta.

  2. GRMA faoin nasc–is oth liom é gur chaill mé an clár ar TG4–b’fhéidir go rachaidh mé I dteagmháil leis an stiúrthóir. Ba uafásach an bascadh a fuair buachaillí an leabhar go minic. Tá súil agam nár fhulaing do chlann a leithéid óna gcomhaosaigh, cé go bhfuil íde béil sách dona ann féin.

  3. Athbhlagáladh an mhír seo ar An Tuairisceoir.

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s