“Ag wearáil é”

Tá ceathrar clainne orainn, go mbeannaí Dia dóibh, agus is suntasach liom na difríochtaí atá ina gcuid Gaeilge. Ar an gcéad dul síos, is é an Béarla an teanga is láidre acu ar fad (ach an páistín, nach bhfuil teanga ar bith aige go fóill!). Tagann an Béarla chucu go nádúrtha, ach caithfidh siad smaoineamh beagán leis an rud céanna a rá i nGaeilge, cé go dtuigeann siad an Ghaeilge labhartha go maith (mar sin í an teanga a labhraímse leo). Ach tá cumas na Gaeilge ag brath ar aois an ghasúir. Cuirfidh mé i gcás abairti Gaeilge a dúirt na gasúir liom inné.

An mac is sine (7 bl.): “Rinne siad crann Nollag den chrann beag.” Chuile short i gceart–fiú an séimhiú.

An iníon is sine (5 bl.): “Tá an duine eile ag wearáil é, agus tá an duine eile ag wearáil é.” agus í ag caint faoi phictiúr a bhfuil mic léinn ag caitheamh culaith scoile. Tá bunstruchtúr na habairte ceart (Briathar agus ansin ainmní agus ansin ainm briatharthach), ach caithfidh sí dhul i dtuilleamaí focal iasachta le buncheap a chur in iúl. Thairis sin, ní bhaineann sí leas as “á wearáil” nó a leithéid, ach sin dearmad a chloistear ar mo bheola féin ó am go chéile, so déarfainn go síleann na gasúir go bhfuil an comhréir sin inghlactha!

An iníon is óige (3 bl.): “I want the ceann beag.” Déarfainn gur Béarla é seo, le focla iasachta Gaeilge.

De réir an tsuirbhé seo, téann Gaeilge an ghasúir i neart le haois an ghasúir. Níl mé cinnte go bhfuil an scéal amhlaidh toisc go mbíonn na gasúir ag foghlaim níos mó Gaeilge agus iad ag dul in aois, nó an raibh atmaisféar níos Gaelaí ag an mac is sine mar nach raibh gasúir eile na clainne ag spalpadh Béarla leis agus é óg. Chloiseadh an mac is sine Béarla óna mháthair agus Gaeilge uaimse. Cloiseann an iníon is óige Gaeilge uaimse agus Béarla óna máthair, a deartháir, agus a deirfiúir.

Ar aon chaoi, tá mé ag iarraidh Gaeilge breise a dhéanamh leis an iníon 5 bl. d’aois lena stór focal a mhéadú. Feicfidh muid céard a tharlós!

Advertisements

2 fhreagra ar ““Ag wearáil é”

  1. Jab maith á dhéanamh agat, a chara. Coinnigh ort!
    Mo chuimhne, go raibh maith agat – bhain mé sult as focail na bpáisti..:-)

  2. Go raibh maith agat as na dea-fhocail! Leanfaidh mé ar aghaidh!

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s