Focail Iasachta & an Ghaeltacht

Is maith is eol do chách go n-úsáidtear neart focail iasachta sna Gaeltachtaí. I nGaeilge Chonamara, mar shampla, cloistear focail ar nós sausage, ball, happy, family, agus factory níos minice ná ispín, liathróid, áthas, teaghlach, agus monarcha, gan trácht ar fhocail a bhaineann le hábhar eolaíochta nó nua-aimseartha. Tá neart microwaves sa nGaeltacht, ach ní bhíonn mórán oighinn mhicreathonnacha inti.

 Agus muid ag tógáil clainne le Gaeilge, ar cheart aithris a dhéanamh ar iompar teanga seo na Gaeltachta? An té a tógadh sa nGaeltacht, ba nádúrtha an rud dó é na focail iasachta seanbhunaithe seo a úsáid. Ach an té nár tógadh sa nGaeltacht, ar cheart dó an sampla sin a leanúint?

 Deirim féin ispín leis na leanaí, ach cuirim fuílleach an bhéile sa microwave an lá dár gcionn. Níl mé cinnte cén t-údar atá leis an rogha seo, ós rud é go nglacaim le focail eile nua-chumta, ar nós ríomhaire, idirlíon. B’fhéidir nach nglacaim le microwave toisc nár chualas riamh á rá ar Raidió na Gaeltachta? Tá mé cinnte go bhfuil tionchar mór ag na meáin chraolta ar mo chuid Gaeilge féin.

 A léitheoir dhil, cé na focail iasachta a úsáideann tú féin, agus cén fáth a nglacann tú leis na focail áirithe sin? Agus cé na focail iasachta nach nglacfaidh tú leo?

 Slán go fóill! (nó baidhe-baidhe?)

Advertisements

1 fhreagra amháin ar “Focail Iasachta & an Ghaeltacht

  1. Ping: Canúint agus Caighdeán | gasuirlegaeilge

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s